نسيتينى

نسيتينى

********

ورغم انك ف قلبى نبض يهواكى

وانا دايما اجّمل حرفى بحروفك

وادفـّى كفوفى بكفوفك

نسيتينى

وفوتـّـينى

كأنى ما كنت

ولا هزّك صراخ نبضى

وانا من عمرعدى طويل

افكّر فيكى

واراعيكى

ومن بعيد لبعيد

أشوف فيكى

أمل بسّام عشان بكره

وحبك جابنى م الضلمه

وخدنى لبحور النور

وجيتلك لما الأمل قــرّب

جيت وانا يا عمرى متغرّب

وقلت أغيّر طعم المر

وأزرع قلبى صبّاره

واشوف بيكى

واغنيكى

واعيش ليكى

واطير بيكى على القمره

ألاقيكى هنا قمره

تنور كل لياليا

..............
..............

ساعتها صحيت

لقيته حلم

ياريته طال

وكان ويا حسره

يادوب موّال

*************
**********