موضوع: مصــــــــــــــــــــــــر سنة 2060 الخميس 26 فبراير 2009, 5:13 pm
المكان .. أي حتة في مصر الزمان يوم من أيام عام 2060م
الحفيدة : جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو . الجد : يا بنتي أنا راجل دقة قديمة، وبالبس زي ما جيلنا اتعود وحسب التقاليد القديمة بتاعتنا الحفيدة: أيوه بس مش حاسس إنك مخنوق وانت لابسه؟ الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهر مع البنطلون السترتش الجلد والجوانتي الجلد كانت حاجة آخر روشنة الحفيدة : ياه يا جدو .. ده انتوا كان ليكم تقاليد غريبة خالص الجد : وهو إنتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2000 م، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. إمال إيه .. كان فيه حاجة اسمها أخلاق الحفيدة : معقول يا جدو؟ للدرجة دي!!؟؟ الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولها عن شبر ونص .. وكانت الستات يلبسوا فوقيها بلوزة باستمرار مش زي دلوقتي الحفيدة : يا خبر .. وإيه كمان ياجدو الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن الحفيدة : وبعدين الجد : وبعدين كنا نسمع على حاجة اسمها اسطوانات ليزر ، ودي صحيح تعتبر متأخرة دلوقتي بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة الحفيدة : حكاويك ممتعة قوي يا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح .. (بعد عدة دقائق) هيه يا جدو .. وبعدين الجد : أحلى أيام بقى كانت أيام الدراسة ، الفصل كان على أيامنا رايق وعدد التلامذة فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟ الحفيدة : 70 مليون بس؟ الجد : إمال إيه .. علشان كده كانت كل حاجة رخيصة، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه ، وكان أتخن جوز جزمة بـ 250 جنيه ، وكان الواحد يقدر يشتري شقة تمليك بـ 150 ألف جنيه بس .. وكان الدولار بخمسة جنيه بس تخيلي بقى؟ الحفيدة : ما هو علشان كده الجواز على أيامكم كان سهل خالص الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندنا الأفكار الغريبة اللي بتعملوها دلوقتي زي إن البنت تعاشر الولد كام شهر قبل الجواز علشان يتعرفوا على بعض أكثر، زيك انتي وسوسو صاحبك ، أنا شخصياً شايف إن ده وضع مش لطيف، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها الحفيدة : ده انتوا كنتوا متزمتين خالص يا جدو . الجد : يا بنتي إحنا اتربينا على الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير يروح مصبح عليه ، ومش بعيد كان يسأله عن أحواله .. وكانوا أهل الفن محتشمين جداً وكانوا دايماً يطلعوا بالكومبليزون والمايوهات البيكيني ، وكان لا يمكن التلفزيون يذيع أفلام جنسية في السهرة زي دلوقتي ، والمذيعات كانوا يقعدوا جنب الضيف مش على ركبته زي .. هيـ يـ يـ يـ ـه الله يرحم دي أيام الحفيدة : رايح فين يا جدو الجد : أصلي كنت موصي الجزار على اتنين كيلو لحمة واديته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو
مہـيہدوالمہـصہريے عضو جديد
عدد الرسائل : 24 تاريخ التسجيل : 20/02/2009
موضوع: رد: مصــــــــــــــــــــــــر سنة 2060 الأربعاء 04 مارس 2009, 6:22 pm
الخميس 26 فبراير 2009, 5:13 pm
