محمد منسى
المراقب العام
 عدد الرسائل : 212
تاريخ التسجيل : 18/02/2009
 | موضوع: حكايــــة عينــــــيكى  السبت 21 فبراير 2009, 4:45 pm | |
| وباحلم بلحظة لقا ع الحب تجمعنــــــــــا
باشوف أنا ف عينيكى ألف معنى ومعنى
وادخل بنظرة عيونى فــــــــــى عينيكى
واشوف المشاعر
دوايــــر دوايــــر
وأجدل عواطفــك
جدايـــل جدايــــل
وأربط مشاعـــرى
وأنزل ف قلبـــــك
وشايل معايا جميع الأمانى
خمايل ..خمايل
وأدخل بيبانك
وافتش وأنبش
جميع الخزاين
واقرا جميع المعالم ف قلبك
وأعــــرف مشــــــــــاعرك
تجاه الحبايب
وأركب سفينتك وأدخل ف بالك
وأدور ف فكرك
وأسبح معاكى فى حلم ف خيالك
وأربط خيــــالــــى فـــــى خيالك
وأكد لقلبى وعــــمره ما خــــانك
بأن إنتى اكبر من كل الخيال
بحـــبك .. بقلبــــك .. بصدقــــك
عليتى فوق كل صـــــور الجمال
هويتك حبيبه لقلبــــى وطبيبه
داويتى جروحى سقيتى مشاعرى
بكاس الأمـــــــانى
بميّة حنانك زرعتى مشاعرك
فى صحـــرة كيــــانى
وطلعت عيدانــــــــك
جنــــــاين ..جنــــاين
ورقهـــــــا مشاعــــر
ثمـــــرها أغــــــــانى
تحرك مشاعرى .. تخضّر كيانى
حبيبتى يا عمــــــــرى
يا شمسى ونهــــــارى
يا واحــــه فى صحرا
يا نبـــــــع فى برارى
يا نجمــه ف سمايـــــا
وطلعــــــت بدارى
تنـــــوّر طريقى
ونورها الحقيقى
بيظهر تمللى
بيكشف عينيكى الجميله قبالى
وحلــــم الليـــــالى
ف لحظة لقــــــانا
ويومــــها راح اقرا
فى عينيكـــى هوانا
يومــــيها راح اكتب
حكايــــة عينــــــيكى
*****************
| |
|
lord rika
عضو نشيط
عدد الرسائل : 43
تاريخ التسجيل : 19/02/2009
| | موضوع: رد: حكايــــة عينــــــيكى الأحد 22 فبراير 2009, 6:18 am | |
| | |
|
