يا واهبنى ذرة عفل

وألف من تلقاه

ومتحشرجه له الآه

واللقمه جوا الزور

مغموسه وهم وزور

والقصد لو مبرور

كان الأمل ولاّه ..

***************

جانا الكتاب مسطور

يوم النبى ما تلاه

نادى عباد الله

حنّوا على المساكين

واتوصوا خير بالجار

واتواسوا بالإحسان

واحموا حمى الأوطان

****************

وأبو جهل عاش سكران

ما جاوبش لما دعاه

جاهل ووعيه غاب

من فرقة الأصحاب

بين مؤمنين بالله

والموتورين بالسحت

واللى صبح صديق

واللى عمل درويش

واللى أمامه شاويش

لكن بدون إكراه

***************

لكن ياجارى اليوم

ضاع الرجا فى القوم

من خضرة الأشجار

طال السخام البوم

واتحرك الخفاش

علشان ما يتهناش

الحر والمحروم

والضلمه سايده قلوب

مش عارفه امتى تتوب

والحب بات مظلوم

علشان دا شئ نادر

ويمزع الأخوات

والغل أرضه سداح

جوا النفوس بيزوم

بيشاغل الغافلين

ولا يرحم المقهور

والدين بقى المرحوم

فى ضعاف الناس

واتبرأ الإحساس

منا فى عصر العوم

والدنيا حوالينا

على ضهر نفاثه

وف قلب غواصه

سايره ف وسط نجوم

واحنا بنحكى مين

أولاد على بابا

والجده حتشبسوت

وفاخلانا عم الهول

فرعون ربض كالتيس

تلحم من التطنيش

جنب الهرم ما صحيش

والوش قمر عيش

على نور مخازينا

وفردنا مراسينا

تسبح فى وهم براح

أستيكه مستورده

بتمسح الأخلاق

والسم كالترياق

وارد مع التطبيع

تطبيع من العالى

دايس حوارينا

جاهز يورينا

شكل الحضاره إزاى

عشنا الحياه مساطيل

بعنا جدار البيت

لشارون ونسل مائير

يفرح عدو الدين

****************

يا واهبنى ذرة عفل

ثبت معايا الدين

وارعانى يا رحمن

ح نعيش كدا حايسين؟

ما نلاقى جيم على سين

واللأ تطلع آه

والسقفه تصبح دين

ونفاق كريه ولعين

وانتى يا تاج راسى

ليه كاتمه إحساسى

يعنى عشان حبك

سارى وف الشريين؟؟؟

**************

******************