يارب ايه اللى أعمله

ياللى العذاب بعدك طريق ما اعـرفش آخره وأوله

مكتوب علىّ أمشيه لآخر يوم فى عمرى وأكملــــــه

والخطوه مش بتقصره .. دا الخطوه فيه بتطـــــوّ له

يا رب .. إيه اللى اعمله؟؟

***************

أنده عليــك وأشتاق إليك بتـــرد ليه فيــّــا النــــــــــــدا

بقى مش حرام اللى انا باعانيه ومش حرام تعمــــل كـدا

دا انا قلبى فيه اللى مكفيه وانا مش حمــــل الظلـــــم دا

يارب .. إيه اللى أعمله

*** *********

أســأل عليك الليل والشوق .. ماجــــانى يوم منك مرســــــال

ورحت عنـــــى بعيــــد ونسيت .. وسبتنى مشغول البــــــــال

وتقول نسيت أنساك .. إنسى .. ما انا لىّ فى الأحـزان موال
يارب ايه اللى أعمله

************

لمّــا الأمـــل يوم يداعبنى ... أقول لنفسى بلاش أوهـــــــــــــام

كان حلـم حلــو جميل فتـّـان .. لكنـــه حلم مـــــن الأحـــلام

ح اصــــبر ومهمـــا الصبر يطول..أنا ونصيبي مع الأيـــــــــام

يارب ايه اللى أعمله

***************

*******